Portal de la Dependencia

• Bienvenidos
• Benvinguts
• Ongi etorri
• Benvidos
• Welcome
• Bienvenue

Buscar nos contidos de Imserso

Buscador:

• Inicio
• Contacte
• Lei de Dependencia
• Centros Xestores

• Artigo 32. Financiamento do sistema polas administracións públicas.
• Artigo 33. A participación dos beneficiarios no custo das prestacións.

Artigo 32. Financiamento do sistema polas administracións públicas.

1. O financiamento do Sistema será o suficiente para garantir o cumprimento das obrigas que lles correspondan ás administracións públicas competentes e determinarase anualmente nos correspondentes orzamentos.

2. A Administración xeral do Estado asumirá integramente o custo derivado do previsto no artigo 9.

3. No marco de cooperación interadministrativa previsto no artigo 10, os convenios que se subscriban entre a Administración xeral do Estado e cada unha das administracións das comunidades autónomas determinarán as obrigas asumidas por cada unha das partes para o financiamento dos servizos e prestacións do sistema. Os devanditos convenios, que poderán ser anuais ou plurianuais, recollerán criterios de repartición tendo en conta a poboación dependente, a dispersión xeográfica, a insularidade, emigrantes retornados e outros factores, e poderán ser revisados polas partes.

A achega da comunidade autónoma será, para cada ano, polo menos igual á da Administración xeral do Estado como consecuencia do previsto neste punto e no anterior.

Artigo 33. A participación dos beneficiarios no custo das prestacións.

1. Os beneficiarios das prestacións de dependencia participarán no financiamento destas, segundo o tipo e o custo do servizo e a súa capacidade económica persoal.

2. A capacidade económica do beneficiario terase tamén en conta para a determinación da contía das prestacións económicas.

3. O Consello Territorial do Sistema para a Autonomía e Atención á Dependencia fixará os criterios para a aplicación do previsto neste artigo, que serán desenvolvidos nos convenios a que se refire o artigo 10.

Para fixar a participación do beneficiario, terase en conta a distinción entre servizos asistenciais e de manutención e hoteleiros.

4. Ningún cidadán quedará fóra da cobertura do sistema por non dispor de recursos económicos.