Portal de la Dependencia

• Bienvenidos
• Benvinguts
• Ongi etorri
• Benvidos
• Welcome
• Bienvenue

Buscar nos contidos de Imserso

Buscador:

• Inicio
• Contacte
• Lei de Dependencia
• Centros Xestores

• Artigo 34. Calidade no Sistema para a Autonomía e Atención á Dependencia.
• Artigo 35. Calidade na prestación dos servizos.

Artigo 34. Calidade no Sistema para a Autonomía e Atención á Dependencia.

1. O Sistema para a Autonomía e Atención á Dependencia fomentará a calidade da atención á dependencia co fin de asegurar a eficacia das prestacións e servizos.

2. Sen prexuízo das competencias de cada unha das comunidades autónomas e da Administración xeral do Estado, establecerase, no ámbito do Consello Territorial, a fixación de criterios comúns de acreditación de centros e plans de calidade do Sistema para a Autonomía e Atención á Dependencia, dentro do marco xeral de calidade da Administración xeral do Estado.

3. Así mesmo, sen prexuízo das competencias das comunidades autónomas e da Administración xeral do Estado, o Consello Territorial acordará:

1. Criterios de calidade e seguranza para os centros e servizos.
2. Indicadores de calidade para a avaliación, a mellora continua e a análise comparada dos centros e servizos do sistema.
3. Guías de boas prácticas.
4. Cartas de servizos, adaptadas ás condicións específicas das persoas dependentes, baixo os principios de non-discriminación e accesibilidade.

Artigo 35. Calidade na prestación dos servizos.

1. Estableceranse estándares esenciais de calidade para cada un dos servizos que conforman o catálogo regulado nesta lei, logo de acordo de Consello Territorial de Sistema para a Autonomía e Atención á Dependencia.

2. Os centros residenciais para persoas en situación de dependencia deberán dispor dun regulamento de réxime interior, que regule a súa organización e funcionamento, que inclúa un sistema de xestión de calidade e que estableza a participación dos usuarios, na forma que determine a Administración competente.

3. Atenderase, de xeito específico, á calidade no emprego así como a promover a profesionalidade e potenciar a formación naquelas entidades que aspiren a xestionar prestacións ou servizos do Sistema para a Autonomía e Atención á Dependencia.