Portal de la Dependencia
- Bienvenidos
- Benvinguts
- Ongi etorri
- Benvidos
- Welcome
- Bienvenue
Seccións informativas
Disposiciones derradeiras
- Disposición derradeira primeira. Aplicación progresiva da lei.
- Disposición derradeira segunda. Consello Territorial do Sistema para a Autonomía e Atención á Dependencia.
- Disposición derradeira terceira. Comité Consultivo.
- Disposición derradeira cuarta. Marco de cooperación interadministrativa para o desenvolvemento da lei.
- Disposición derradeira quinta. Desenvolvemento regulamentario.
- Disposición derradeira sexta. Informe anual.
- Disposición derradeira sétima. Habilitación normativa.
- Disposición derradeira oitava. Fundamento constitucional.
- Disposición derradeira novena. Entrada en vigor.
Disposición derradeira primeira. Aplicación progresiva da lei.
1. A efectividade do dereito ás prestacións de dependencia incluídas nesta lei exercerase progresivamente, de modo gradual, e realizarase de acordo co seguinte calendario a partir do 1 de xaneiro de 2007:
- O primeiro ano a aqueles que sexan valorados no grao III de gran dependencia, niveis 2 e 1.
- No segundo e terceiro ano a aqueles que sexan valorados no grao II de dependencia severa, nivel 2.
- No terceiro e cuarto ano a aqueles que sexan valorados no grao II de dependencia severa, nivel 1.
- O quinto e sexto ano a aqueles que sexan valorados no grao I de dependencia moderada, nivel 2.
- O sétimo e oitavo ano a aqueles que sexan valorados no grao I de dependencia moderada, nivel 1.
2. O recoñecemento do dereito contido nas resolucións das administracións públicas competentes xerará o dereito de acceso aos servizos e prestacións correspondentes, previstos nos artigos 17 a 25 desta lei, a partir do inicio do seu ano de implantación de acordo co calendario do punto 1 desta disposición ou desde o momento da súa solicitude de recoñecemento polo interesado, se esta é posterior a esa data.
3. Transcorridos os primeiros tres anos de aplicación progresiva da lei, o Consello Territorial do Sistema para a Autonomía e Atención á Dependencia realizará unha avaliación dos seus resultados, propoñendo as modificacións na implantación do sistema que, de ser o caso, considere procedentes.
4. Na avaliación dos resultados a que se refire o punto anterior efectuarase informe de impacto de xénero sobre o desenvolvemento da lei.
Disposición derradeira segunda. Consello Territorial do Sistema para a Autonomía e Atención á Dependencia.
No prazo máximo de tres meses desde a entrada en vigor desta lei, deberase constituír o Consello Territorial do Sistema para a Autonomía e Atención á Dependencia regulado no artigo 8.
Disposición derradeira terceira. Comité Consultivo.
No prazo máximo de tres meses desde a entrada en vigor desta lei, deberase constituír o Comité Consultivo do Sistema para a Autonomía e Atención á Dependencia regulado no artigo 40.
Disposición derradeira cuarta. Marco de cooperación interadministrativa para o desenvolvemento da lei.
No prazo máximo de tres meses desde a súa constitución, o Consello Territorial do sistema acordará o marco de cooperación interadministrativa para o desenvolvemento da lei previsto no artigo 10, así como o calendario para o desenvolvemento das previsións contidas nesta lei.
Disposición derradeira quinta. Desenvolvemento regulamentario.
No prazo máximo de tres meses tras a constitución do Consello, e de conformidade cos correspondentes acordos do Consello Territorial do sistema, aprobarase a intensidade de protección dos servizos previstos de acordo cos artigos 10.3 e 15, así como o baremo para a valoración do grao e niveis de dependencia previstos nos artigos 26 e 27.
Disposición derradeira sexta. Informe anual.
1. O Goberno deberá informar as Cortes anualmente da execución das previsións contidas nesta lei.
2. O dito informe incorporará a memoria do Consello Territorial e o ditame dos órganos consultivos.
Disposición derradeira sétima. Habilitación normativa.
Facúltase o Goberno para ditar cantas disposicións sexan necesarias para o desenvolvemento e execución desta lei.
Disposición derradeira oitava. Fundamento constitucional.
Esta lei dítase ao abeiro da competencia exclusiva do Estado para regular as condicións básicas que garantan a igualdade de todos os españois no exercicio dos dereitos e o cumprimento dos deberes constitucionais, conforme o artigo 149.1.1.ª da Constitución.
Disposición derradeira novena. Entrada en vigor.
Esta lei entrará en vigor o primeiro día do mes seguinte ao da súa publicación no «Boletín Oficial del Estado».
Por tanto,
Mando a todos os españois, particulares e autoridades, que cumpran e fagan cumprir esta lei.
Madrid, 14 de decembro de 2006.
JUAN CARLOS R.
O presidente do Goberno,
JOSÉ LUIS RODRÍGUEZ ZAPATERO
.